124
ایف بی آر نے لاہور سمیت تمام بڑے شہروں میں ٹیکس نادہندگان کیخلاف آپریشن تیز کر دیا۔
ایف بی آر نے لاہور سمیت تمام بڑے شہروں میں ٹیکس نادہندگان کے خلاف آپریشن تیز کر دیا ہے۔ ٹیکس چور کمپنیوں اور افراد کی فہرستیں تیار کر لی گئی ہیں، جنہیں ٹیکس میں بے ضابطگیوں پر نوٹسز جاری کیے جائیں گے۔
ایف بی آر کا کہنا ہے کہ آئندہ نان ٹیکس پیئرز کو کاروبار، گاڑی، اور گھر خریدنے کی اجازت نہیں دی جائے گی۔ ذرائع کے مطابق، ایف بی آر کی تاریخ میں پہلی بار نادہندگان کے خلاف ایف آئی آر درج کی گئی ہیں اور گرفتاریاں بھی عمل میں لائی گئی ہیں۔
ایف بی آر کے حکام نے لاہور کی اعظم مارکیٹ، انار کلی، ہال روڈ، سوتر منڈی، اکبری منڈی، اور دیگر مقامات کے افراد کو انتباہ جاری کیا ہے کہ وہ جلد از جلد اپنے ٹیکس کے معاملات درست کریں، ورنہ سخت قانونی کارروائی کا سامنا کرنا پڑ سکتا ہے۔
