ٹیرف جنگ کے باعث سونے کی قیمتیں بڑھ گئیں

ٹیرف وار کے باعث پاکستان میں سونا تاریخ کی بلند ترین سطح پر پہنچ گیا۔

چین اور امریکا کے درمیان جاری معاشی جنگ کے عالمی مارکیٹ پر بھی اثرات پڑنے لگے ہیں۔

آل پاکستان صرافہ جیمز اینڈ جیولرز ایسوسی ایشن کے مطابق ملک میں آج فی تولہ سونے کی قیمت میں 7800 روپے کا اضافہ ریکارڈ کیا گیا ہے۔ جس کے بعد سونے کا بھاؤ 3 لاکھ 28 ہزار 800 روپے ہوگیا ہے۔ اسی طرح 10 گرام سونا 6688 روپے اضافے سے 2 لاکھ 81 ہزار 893 روپے تک جا پہنچا۔

دوسری جانب عالمی بازار میں بھی سونے کا بھاو 78 ڈالر اضافے سے 3118 ڈالر فی اونس ہے۔ معاشی ماہرین کا کہنا ہے کہ امریکا اور چین کے درمیان جاری ٹیرف جنگ کے باعث سرمایہ کار سونے کی خریداری میں زیادہ دلچسپی لے رہے ہیں