110
لاہور، پاکستان ریلوے کی جانب سے دعویٰ کیا گیا کہ وہ عوام کو بہتر سفری سہولیات پہنچانے میں مصروف عمل ہے لیکن یہ بھی سچ ہے کہ ٹرینوں میں سفر کرنیوالے مسافروں کو ایمرجنسی میڈیکل سہولت بھی میسر نہیں۔
پاکستان ریلوے جو کہ عوام کو محفوظ سفر کی سہولیات دے رہا ہے، پشاور سے صوبائی دارالحکومت کراچی اور کراچی سے لاہور کے لیے درجنوں مسافر ٹرینوں کا سفر جاری ہے، ان ٹرینوں میں روزانہ ہزاروں مسافر جن میں بچے بڑے، خواتین اور مرد حضرات شامل ہیں۔
تاہم اکثر یہ دیکھا گیا ہے کہ روزانہ چلنے والی درجنوں ٹرینوں میں ہزاروں مسافروں کے لیے کسی بھی ٹرین میں میڈیکل ڈسپینسری یا ڈاکٹر موجود نہیں ہے۔
یہ سہولیات نہ ہونے کی وجہ سے کسی بھی ایمرجنسی میں مسافر کو پریشانی و مشکلات کا سامنا کرنا پڑ سکتا ہے۔
مسافروں کے مطابق لمبے سفر کے دوران میڈیکل کی سہولت نہ ہونا خطرے سے خالی نہیں ہے لہٰذا حکومت کو چاہیے کہ مسافر ٹرینوں میں ڈاکٹر اور ڈسپینسری دی جائے تاکے مسافروں کو طبی سہولیات میسر آسکیں۔
