وینڈنگ مشین پر غلط بٹن دبانے سے شہری 50 ہزار ڈالرز جیت گیا

امریکا میں ایک شخص نے لاٹری ٹکٹ وینڈنگ مشین کا غلط بٹن دبا نے پر 50,000 ڈالر کا انعام جیت لیا۔

امریکا میں ایک شہری نے لاٹری وینڈنگ مشین پر غلط بٹن دبانے کے نتیجے میں 50,000 ڈالر کا انعام جیت لیا۔

میری لینڈ سے تعلق رکھنے والے اس شخص نے لاٹری حکام کو بتایا کہ وہ روزانہ کی طرح بیل ایئر واوا اسٹور پر لاٹری ٹکٹ خریدنے رکا۔ اس نے بتایا:
"میں ہر روز کام پر جاتے ہوئے یہاں رک کر گاڑی میں گیس بھرواتا، کافی پیتا اور لاٹری کارڈ اسکریچ کرتا ہوں۔ یہ میرا معمول ہے۔”

لیکن اس دن، وینڈنگ مشین پر غلط بٹن دبانے کی وجہ سے اسے غیرمتوقع لاٹری ٹکٹ ملا، جو Monopoly X20 تھا۔ جب اس نے ٹکٹ کو اسکریچ کیا، تو حیران کن طور پر 50,000 ڈالرز کی جیت سامنے آئی۔