34
وفاقی کابینہ میں شامل ہونے والے نئے وزراء نے اپنے عہدوں کا حلف اٹھا لیا، نئے کابینہ ارکان کی حلف برداری کی تقریب ایوانِ صدر میں منعقد ہوئی۔
قائم مقام صدر یوسف رضا گیلانی نے نومنتخب وزراء سے حلف لیا۔
پیرزادہ عمران احمد شاہ نے بطور وفاقی وزیر جبکہ ارمغان سبحانی اور شذرا منصب نے وزیرِ مملکت کے عہدے کا حلف اٹھایا۔
دوسری جانب وزیراعظم محمد شہباز شریف نے کہا کہ آج ہم عالمی برادری کے ساتھ مل کر اسلاموفوبیا کے خلاف عالمی دن منا رہے ہیں۔
اسلاموفوبیا کے خلاف عالمی دن کے موقع پر اپنے پیغام میں وزیراعظم نے کہا کہ 3 سال پہلے اقوام متحدہ کی جنرل اسمبلی نے اس دن کو منانے کا تاریخی فیصلہ کیا، جو دنیا بھر میں مسلمانوں کو درپیش چیلنجز کی شدت کی ایک واضح یاددہانی ہے۔
