109
اسلام آباد، الیکشن کمیشن کی جانب سے وفاقی دارالحکومت میں بلدیاتی انتخابات کی تاریخ میں توسیع کردی گئی ہے۔
الیکشن کمیشن کا کہنا ہے کہ مختلف سیاسی جماعتوں کی درخواستوں پرتاریخ میں توسیع کی گئی ہے اور متوقع امیدواروں کی انتخابی عمل میں شمولیت کے لیے تاریخ بڑھادی گئی ہے۔
الیکشن کمیشن کے مطابق انتخابی عمل میں حصہ لینے کے لیے ہرممکن سہولت کے لیے تاریخ بڑھا دی گئی ہے۔
الیکشن کمیشن کا کہنا ہے کہ اسلام آباد میں بلدیاتی انتخابات اب 9 اکتوبر 2024 کو ہونگے جس کے لیے کاغذات نامزدگی جمع کرانے کی تاریخ 28 اگست تک بڑھائی گئی ہے۔
الیکشن کمیشن کی جانب سے تجدید شدہ الیکشن پروگرام کا باضابطہ نوٹیفکیشن بھی کردیا گیا ہے۔
یاد رہے کہ الیکشن کمیشن پہلے اسلام آباد میں بلدیاتی انتخابات 29 ستمبر کو کرانے کا اعلان کیا گیا تھا اور بلدیاتی انتخابات کے لیے کاغذات نامزدگی جمع کرانے کی تاریخ آج ختم ہورہی تھی۔
