145
وزیراعظم پاکستان شہبازشریف نے شام میں پھنسے پاکستانیوں کے انخلا کیلئے لبنان سے مدد کی اپیل کر دی۔
شہباز شریف کی جانب سے لبنانی وزیراعظم سے ٹیلیفونک رابطہ کیا گیا، وزیر اعظم کا کہنا ہے کہ شام میں 600 پاکستانی اس وقت موجود ہیں، پاکستانیوں کے شام سے انخلا کیلئے لبنان کے ویزے جاری کرنے کی درخواست کی۔
وزیراعظم شہباز شریف کا کہنا تھا کہ پاکستانیوں کا شام سے انخلا لبنان کی مدد سے ہی ممکن ہے، لبنانی وزیراعظم نے یقین دہانی کرائی کہ شام سے تمام پاکستانیوں کے انخلا کیلئے ہر قسم کا تعاون کریں گے، 600 ہوں یا زیادہ، سب پاکستانیوں کو ویزے دیں گے۔
یاد رہے باغی گروپ کی جانب سے بشار الاسد حکومت کا تختہ الٹنے کے بعد جنگجووں نے شام کے تمام ایئرپورٹس بند کر دیئے ہیں جس کی وجہ سے دیگر ممالک کے علاوہ سینکڑوں پاکستانی شہری بھی پھنسے ہوئے ہیں۔
