121
دورہ سعودی عرب کے دوران وزیراعظم شہباز شریف کی سعودی ولی عہد شہزادہ محمد بن سلمان سے ملاقات ہوئی جس میں دونوں رہنماوں نے دوطرفہ تعلقات میں بہتری لانے کیلئے مشترکہ عزم کا اعادہ کیا۔
ملاقات میں دونوں رہنماوں کی جانب سے اتفاق کیا گیا کہ پاکستان اور سعودی عرب کیلئے اقتصادی، تجارتی اور سرمایہ کاری کے تعلقات کا فروغ انتہائی ضروری ہے۔
اس موقع پر پاکستانی وزیراعظم اور سعودی ولی عہد نے پاکستان میں سرمایہ کاری کے حوالے سے سعودی مفاہمتی یادداشتوں اور معاہدوں پر عملدرآمد کی رفتار پر اطمینان کا اظہار کیا۔
سعودی ولی عہد شہزادہ محمد بن سلمان نے گزشتہ چھ ماہ کے دوران پانچویں دفعہ پاکستانی وزیراعظم سے ملاقات پر بے حد خوشی کا اظہار کیا ان کا کہنا تھا کہ یہ حقیقی محبت اور باہمی احترام کا نتیجہ ہے جو دونوں ملکوں کے عوام کو آپس میں جوڑتا ہے۔
اس موقع پر وزیراعظم شہباز شریف نے ولی عہد کو پاکستان کے دورے کی دعوت دی جسے سعودی ولی عہد نے قبول کر لیا اور کہا جلد اپنے دورہ پاکستان کا منتظر ہوں۔
