101
وزیر اعظم شہباز شریف ایک روزہ دورے پر کراچی پہنچ گئے۔
کراچی: وزیراعظم شہباز شریف اپنے ایک روزہ سرکاری دورے پر کراچی پہنچے، جہاں گورنر سندھ کامران خان ٹیسوری اور وزیراعلیٰ سید مراد علی شاہ نے پی اے ایف بیس فیصل پر ان کا پرتپاک استقبال کیا۔
وزیراعظم کے ہمراہ نائب وزیراعظم محمد اسحاق ڈار، وزیر خزانہ محمد اورنگزیب، وفاقی وزیر اطلاعات و نشریات عطا اللہ تارڑ، اور وزیر مملکت علی پرویز ملک بھی موجود ہیں۔
سرکاری ذرائع کے مطابق وزیراعظم دورے کے دوران پاکستان اسٹاک ایکسچینج، کے پی ٹی، اور آغا خان یونیورسٹی میں منعقد ہونے والی اہم تقاریب میں شرکت کریں گے۔ اس کے علاوہ توقع ہے کہ وہ بزنس کمیونٹی کے نمائندوں اور دیگر اہم وفود سے ملاقاتیں بھی کریں گے۔
اس دورے میں وزیراعظم کا فوکس ملک کی معاشی صورتحال اور کاروباری طبقے کے مسائل پر ہوگا، جہاں وہ معیشت کے استحکام کے لیے اہم تبادلۂ خیال کریں گے۔
