63
چھانگامانگا، تھانہ نگن پور کے علاقہ لوحے جٹاں میں ایک انتہائی افسوسناک واقعہ پیش آیا جہاں 3 ملزمان نے مبینہ طور پر ایک لڑکی کو اجتماعی زیادتی کا نشانہ بنا ڈالا۔
پولیس کا بتانا ہے کہ شیخوپورہ سے تعلق رکھنے والی متاثرہ لڑکی ندا کوثر کو ملزم لیاقت علی نے نوکری کا جھانسہ دے کر کاہنہ بلوایا، لیاقت علی متاثرہ لڑکی کو کاہنہ سے الہٰ آباد لے گیا جہاں سے وہ ایک گاڑی میں اسے نگن پور کے علاقے میں واقع ایک حویلی لے آیا۔
ایف آئی آر میں بتایا گیا ہے کہ ملزمان نے مبینہ طور پر ندا کوثر کے ساتھ باری باری زیادتی کی اور اسکے بعد اسے وہیں چھوڑ کر فرار ہو گئے۔
متاثرہ لڑکی نے پولیس کو دیئے گئے بیان میں تمام تفصیلات بیان کیں،جس کے بعد تھانہ نگن پور پولیس کی جانب سے مقدمہ درج کر لیا گیا۔
پولیس نے 2 نامزد ملزمان لیاقت علی، جاوید اور ایک نامعلوم شخص کے خلاف مقدمہ درج کر لیا ہے، تاہم تاحال کسی بھی ملزم کی گرفتاری عمل میں نہیں آسکی۔
