مہندرا سنگھ دھونی آئی پی ایل کی تاریخ کے بوڑھے ترین کپتان بن گئے

بھارت کو ورلڈ کپ جتوانے والے کپتان مہندرا سنگھ دھونی نے انڈین پریمیئر لیگ (آئی پی ایل) میں اہم ریکارڈ اپنے نام کرلیا ہے۔

بھارت کے مایہ ناز کرکٹر مہندرا سنگھ دھونی نے انڈین پریمئیر لیگ (آئی پی ایل) میں 43 برس 278 دن کی عمر میں کپتانی کرکے تاریخ رقم کردی۔

یہ بھی پڑھیں

چنئی سپر کنگز کے موجودہ کپتان روتوراج گائیکواڑ کی کہنی میں فریکچر ہونے کے سبب ٹیم کی کپتانی ملنے کے باعث وہ آئی پی ایل کی تاریخ کے بوڑھے ترین کپتان بن گئے۔

تاہم انہیں ٹیم کی کپتانی تو ملی لیکن دھونی کی قیادت میں چنئی کو اپنے ہوم گراؤنڈ میں بدترین شکست کا سامنا کرنا پڑا۔

واضح رہے کہ مہندرا سنگھ دھونی نے آخری بار 2023 میں فرنچائز کی قیادت کی تھی جب انہوں نے ٹائٹل جیتا تھا بعدازاں انہوں نے 2024 سیزن سے پہلے ٹیم کی کپتانی روتوراج گائیکواڑ کے حوالے کردی تھی۔

شیئر کریں: