محکمہ موسمیات نے موسمیاتی تبدیلیوں کے باعث رواں برس اسموگ میں واضح اضافے کا خدشہ ظاہر کیا ہے۔
اسلام آباد، محکمہ موسمیات کی جانب سے موسمیاتی تبدیلیوں کی وجہ سے رواں برس اسموگ میں واضح اضافے کا خدشہ ظاہر کیا گیا ہے۔
محکمہ موسمیات کا کہنا ہے کہ عمومی طور پر اسموگ نومبر سے دسمبر کے دوران جاری رہتی ہے تاہم اس مرتبہ موسمیاتی تبدیلیوں کی وجہ سے اسموگ میں واضح اضافے کا خدشہ ظاہر کیا گیا ہے۔
دوسری جانب فیکٹریوں کی آلودگی اور گاڑیوں کا دھواں بھی اسموگ بڑھنے کی وجہ بن سکتے ہیں۔
محکمہ موسمیات کی جانب سے رواں برس پاکستان کے چند بڑے شہروں میں اسموگ بڑھنے کا خدشہ ظاہر کیا گیا ہے، جن میں صوبائی دارالحکومت لاہور، گوجرانوالہ، شیخوپورہ، قصور اور فیصل آباد شامل ہیں۔
محکمہ موسمیات کا کہنا ہے کہ اسموگ میں اضافہ شہریوں کی صحت اور ماحول کو بھی آلودہ کرسکتا ہے، اسموگ کے دوران حد نگاہ کم ہونے کی وجہ سے ٹریفک حادثات کا خطرہ بھی زیادہ ہے۔
علاوہ ازیں، اسموگ سے متاثرہ شہروں میں دمہ کا مرض بڑھ سکتا ہے، بچے بزرگ اور کمزور قوت مدافعت والے افراد زیادہ متاثر ہو سکتے ہیں۔
