42
کراچی، گورنر سندھ کامران خان ٹیسوری نے کہا ہے کہ ملک میں دہشت گردی کے واقعات پیش آ رہے ہیں۔
میڈیا سے گفتگو کرتے ہوئے کامران ٹیسوری کا کہنا تھا کہ پاکستان کو غیر مستحکم کرنے کی کئی کوششیں ہو چکی ہیں، مگر دشمن کو ہر بار ناکامی کا سامنا کرنا پڑے گا، انہوں نے مزید کہا کہ سوشل میڈیا کے ذریعے پاکستان کو کمزور کرنے کی سازشیں جاری ہیں۔
گورنر سندھ نے کہا کہ پاکستان معاشی ترقی کی راہ پر گامزن ہے اور جلد اپنے پیروں پر کھڑا ہو جائے گا۔ ان کے مطابق ملک کی معیشت تیزی سے بہتری کی جانب بڑھ رہی ہے۔
انہوں نے کہا کہ دوست ممالک پاکستان پر اعتماد کا اظہار کر رہے ہیں، جو مستقبل میں ملکی ترقی کے لیے معاون ثابت ہوگا۔
دوسری جانب وزیر اعلیٰ سندھ سید مراد علی شاہ نے تعلیم کے معیار کو بہتر بنانے پر زور دیتے ہوئے ہدایت کی ہے کہ اسکول ایجوکیشن میں گورننس کو مؤثر بنایا جائے، تعلیمی معیار کو بلند کیا جائے اور بچوں کو اسکول تک آسان رسائی فراہم کی جائے۔
