78
لاہور، وزیراعلیٰ پنجاب مریم نواز کا کہنا ہے کہ ملکی معیشت، سیاحت اور عوامی روابط کے فروغ کیلئے ایوی ایشن کا کردار فراموش نہیں کیا جاسکتا۔
ہوا بازی کے عالمی دن پر ایک پیغام میں وزیراعلیٰ پنجاب مریم نواز نے کہا کہ ہوا بازی نے دنیا کو ایک گلوبل ویلیج میں بدل دیا ہے، فاصلے سمٹ گئے ہیں۔
وزیراعلیٰ پنجاب نے کہا کہ ایوی ایشن اور پی آئی اے کو انکا کھویا ہوا مقام واپس دلوانے پر وزیراعظم پاکستان کو خراج تحسین پیش کرتے ہیں، شہباز شریف کی مدبرانہ کوشوں سے پی آئی اے کو یورپ میں فلائیٹ آپریشن کی اجازت ملی۔
مریم نواز نے کہا کہ حکومت جدید ہوائی سفری سہولیات فراہم کرنے کے لیے پرعزم ہے، پنجاب کی ایئر لائن کے قیام کی تجویز کا بھی جائزہ لیا جا رہا ہے۔
دوسری جانب وفاقی وزیر قانون، انصاف و انسانی حقوق سینیٹر اعظم نذیر تارڑ کا کہنا ہے کہ آئین پاکستان ملک میں بسنے والی تمام قومیتوں کو مساوی حقوق فراہم کرتا ہے۔
