مسافر وین کھائی میں گرنے کے نتیجے میں 7 افراد جان کی بازی ہار گئے۔
مظفرآباد، آزاد کشمیر کے دارالحکومت میں مسافر وین کھائی میں جاگری، جسکے نتیجے میں 7 افراد جان کی بازی ہار گئے۔
پولیس کا کہنا ہے کہ حادثہ نواحی علاقے کیلگراں کے مقام پر پیش آیا جہاں ڈرائیور سے وین بے قابو ہو کر کھائی میں گر گئی، جس میں سوار 7 افراد موقع پر جاں بحق جبکہ 2 افراد زخمی بھی ہوئے، جنہیں مقامی ہسپتال منتقل کردیا گیا۔
دوسری جانب مقامی انتظامیہ کے مطابق حادثہ خرابی سڑک کی وجہ سے موڑ کاٹتے ہوئے پیش آیا جبکہ وین میں 9 مسافر سوار تھے۔
دوسری جانب خضدار میں قبائلی رہنما میر مہراللہ محمد حسنی کو فائرنگ کرکے موت کے گھاٹ اتار دیا گیا۔
ذرائع کا کہنا ہے کہ افسوسناک واقعہ خضدار میں کراڑو کے قریب پیش آیا، جہاں نامعلوم افراد کی جانب سے مقامی قبائلی رہنما کے قافلے پر فائرنگ کی گئی جس میں قبائلی رہنما میر مہراللہ محمد حسنی اور ان کے تین ساتھی جان کی بازی ہار ہوگئے۔
پولیس کا کہنا ہے کہ واقعے کی تحقیقات تاحال جارہی ہیں اور ملزمان کی تلاش کیلئے چھاپے مارے جارہے ہیں۔
