63
کراچی، وزیر اعلیٰ سندھ مراد علی شاہ اور مہک مقبول کے درمیان شطرنج کا سنسنی خیز معرکہ کل ہوگا۔
ترجمان وزیراعلیٰ سندھ کا بتانا ہے کہ دلچسپ مقابلہ کل سہ پہر 3 بجے وزیراعلیٰ ہاؤس سے براہ راست نشر ہوگا، جس دوران شطرنج کے تخت پر ذہانت کی جنگ کیلئے تجربہ اور ابھرتی ہوئی صلاحیتیں آمنے سامنے ہوں گی۔
پاکستان کی انڈر 18 شطرنج چیمپئن مہک مقبول نے حال ہی میں نیشنل یوتھ چیس چیمپیئن شپ جیتی ہے، مہک مقبول سندھ حکومت کے ایس ایم بی فاطمہ جناح گورنمنٹ اسکول کی طالبہ ہیں۔
یاد رہے کہ سندھ حکومت کے ایس ایم بی فاطمہ جناح گورنمنٹ اسکول کو زندگی ٹرسٹ نے اپنایا ہے۔
دوسری جانب سندھ حکومت کی جانب سے زکوٰۃ فنڈ سے 37 اسپتالوں کی مالی امداد کر دی گئی۔
نوٹیفکیشن کا بتانا ہے کہ محکمہ زکوٰۃ سندھ نے اسپتالوں کی مالی مدد کرنے کیلئے 20 کروڑ روپے جاری کردیے۔
