چیئرمین پاکستان کرکٹ بورڈ (پی سی بی) محسن نقوی کی جانب سے سہ فریقی سیریز میں جنوبی افریقا کے خلاف ون ڈے میچ جیتنے پر پاکستانی ٹیم کو مبارک باد دی گئی۔
بدھ کو سہ ملکی سریز کے اہم میچ میں پاکستان کی جانب سے جنوبی افریقا کو شکست دے کر فائنل کے لیے کوالیفائی کرلیا گیا۔
نیشنل بینک اسٹیڈیم کراچی میں کھیلے گئے میچ میں جنوبی افریقا نے پہلےکھیلتے ہوئے پاکستان کو 353 رنز کا ہدف دیا، جو قومی ٹیم نے محمد رضوان اور سلمان آغا کی شاندار سنچریوں کی بدولت 4 وکٹوں کے نقصان پر 49 اوور میں پورا کرلیا۔
چیئرمین پاکستان کرکٹ بورڈ محسن نقوی کی جانب سے جنوبی افریقا کیخلاف ون ڈے میچ جیتنے پر پاکستانی ٹیم کو مبارکباد دیتے ہوئے کہا گیا کہ پاکستانی کھلاڑیوں نے زبردست کھیل پیش کیا اور مشکل ٹارگٹ کو حاصل کیا۔
محسن نقوی کا کہنا ہے کہ پاکستانی ٹیم نے میچ جیت کر فائنل کے لیے کوالیفائی کرکے قوم کو خوشیاں دیں۔ محمد رضوان اور سلمان آغا کو شاندار بیٹنگ پر شاباش اور مبارکباد دیتا ہوں۔
چیئرمین محسن نقوی نے کہا کہ کپتان محمد رضوان نے صحیح معنوں میں کیپٹنز اننگز کھیلی۔ نائب کپتان سلمان آغا نے بھی شاندار بلے بازی کی، پاکستانی کھلاڑیوں نے ٹیم ورک کا مظاہرہ کرکے جیت اپنے نام کی۔ امید ہے کہ پاکستانی ٹیم سہ ملکی سیریز کا فائنل بھی جیتے گی۔
یادرہے کہ پاکستان اور نیوزی لینڈ کے درمیان سہ ملکی سیریز کا فائنل 14 جنوری کو کراچی میں کھیلا جائے گا۔
