چارسدہ، عمران خان کی اہلیہ بشریٰ بی بی نے کہا کہ مجھے ڈی چوک پر اکیلا چھوڑ دیا گیا تھا لیکن میں بھاگنے والی عورت نہیں۔
بشریٰ بی بی اسلام آباد دھرنے میں جاں بحق تاج الدین کے گھر گئیں جہاں انہوں نے ورثا سے تعزیت کی اور انہیں 1 کروڑ کا چیک دیا جبکہ عمران خان کی اہلیہ بشریٰ بی بی نے زاہد آباد میں شہید تاج الدین کے نام سے گرلز ہائی اسکول بنانے کا بھی اعلان کیا۔
اس موقع پر گفتگو کے دوران عمران خان کی اہلیہ کا کہنا تھا کہ شہادتوں کے باعث تکلیف میں تھی، میں بھاگنے والی عورت نہیں ہوں، مجھے ڈی چوک پر اکیلا چھوڑ دیا گیا تھا، سمجھ نہیں آرہا تھا لوگ جھوٹ کیوں بول رہے تھے۔
بشریٰ بی بی کا کہنا تھا کہ سابق وزیراعظم پاکستان کیلئے نکلنے والوں کو کبھی اکیلا نہیں چھوڑ سکتی تھی، کسی کو نہیں پتا تھا کہ میری گاڑی کون سی ہے، ڈی چوک پر رات ساڑھے 12 بجے میں اپنی گاڑی میں اکیلی تھی، وہ ڈی چوک زبردستی خالی کرارہے تھے۔
عمران خان کی اہلیہ کا کہنا تھا کہ میں وہاں سے نہیں ہٹی تھی کیونکہ میں نے ہٹنے کا نہیں کہا تھا، میں نے سب کو کہا تھا مجھے اکیلا نہیں چھوڑنا، میں نے صرف آپ کو بتانا ہے کہ میں وہاں اکیلی تھی، مجھے سب نے اکیلا چھوڑ دیا تھا۔
بانی پی ٹی آئی کا کہنا تھا کہ جب میں وہاں سے نہیں جارہی تھی تو سیدھی میری گاڑی پر فائرنگ ہوئی، باقی قافلہ بعد میں آیا، پٹھانوں نے ہمیشہ غیرت مندی کا ثبوت دیا، عمران خان نے کہا تھا شہدا کے گھر جانا ہے، ورکرز بانی پی ٹی آئی کے نام پر شہید ہوئے۔
