لاہور، پاکستان شوبز انڈسٹری کی باصلاحیت اور معروف اداکارہ صبا حمید کا کہنا ہے کہ مجھے آج تک محبت کی تعریف سمجھ میں نہیں آئی، اس لیے محبت پر یقین نہیں ہے۔
حال ہی میں ممتاز اداکارہ صبا حمید نجی ٹی وی پروگرام میں بطور مہمان شریک ہوئیں جہاں خوبرو اداکارہ کی جانب سے مختلف موضوعات سمیت محبت سے متعلق اپنے خیالات کا اظہار کیا گیا۔
یک طرفہ محبت کے حوالے سے سوال پر اداکارہ نے یہ جواب دیا کہ مجھے محبت پر یقین نہیں ہے، آج تک محبت کا تصور ہی سمجھ نہیں آیا۔
صبا حمید کا کہنا ہے کہ عام طور سے 16 سے 25 سال کے درمیان 2 افراد ایک دوسرے سے متاثر ہوتے ہیں تو اسے محبت کا نام دے دیتے ہیں۔
خوبرو اداکارہ کا کہنا تھا کہ ہمارے زمانے میں اگر کسی کو محبت نہیں ملتی تھی تو لگتا تھا کہ مر جانا چاہیے کہ زندگی کا کوئی بھی مقصد اب نہیں رہ گیا جبکہ آج کل کے بچے زیادہ عقلمند ہیں کہ اگر محبت نہیں ملی تو کوئی بات نہیں آگے بڑھ جاؤ۔
صبا حمید نے کہا کہ میرے خیال میں کسی رشتے میں اگر محبت سے زیادہ کسی چیز کی اہمیت ہے تو وہ عزت کی ہے، مجھےتو محبت کی تعریف نہیں پتا، ابھی تک یہ معلوم نہیں ہوسکا کہ محنت کس چیز کو کہتے ہیں۔
