لاہور شہر قتل کی آماج گاہ بن گیا، صبا حمید آبدیدہ ہو گئیں

معروف اداکارہ صبا حمید نے لاہور کو قتل کی آماج گاہ قرار دیدیا۔

سینئر اداکارہ صبا حمید کی جانب سے لاہور میں چھائی فضائی آلودگی اور اسموگ پر مایوسی کا اظہار کیا گیا۔ ویڈیو کیساتھ ہی اپنا پیغام شیئر کرتے ہوئے اداکارہ نے لکھا کہ اسموگ ہمیں مار رہی ہے اور یہ خطرناک چیز ختم ہوتی بھی نظر نہیں آرہی۔

یہ بھی پڑھیں

مذکورہ ویڈیو ایک کار میں سفر کے دوران بنائی گئی جس میں فضا میں ہر سو چھائی اسموگ کو واضح انداز میں دیکھا جاسکتا ہے۔

صبا حمید نے لکھا کہ صوبائی دارالحکومت جو کبھی باغات کے شہر کے نام سے جانا جاتا تھا اب خاموش قاتل بن چکا ہے، ساتھ ہی انہوں نے افسوس یعنی دل ٹوٹنے کا ایموجی بھی لگایا ہے۔

واضح رہے کہ بڑھتی ہوئی اسموگ کے باعث پنجاب میں معمولات زندگی متاثر ہوگئے ہیں، حکومت پنجاب کی جانب سے اسکولوں اور کالجز میں تمام تر تعلیمی سرگرمیوں کو عارضی طور پر معطل کرنے کا نوٹیفکیشن میں جاری کردیا گیا۔