فتنہ الخوارج نے کوئلے کی کان میں کام کرنیوالے 3 مزدوروں کو ذبح کر دیا۔
وسطی کرم کے علاقے خوئیداد خیل میں فتنہ الخوارج کی جانب سے کوئلے کی کان میں کام کرنے والے 3 مزدوروں کو ذبح کر دیاگیا۔
پولیس کے مطابق وسطی کرم میں مزدور طالبان کمانڈر ملا نبی کے کوئلے کی کان میں کام کر رہے تھے جس پر فتنہ خوارج کے دہشتگردوں نے حملہ کرکے 3 مزدوروں کو ذبح کر دیا۔
4 مزدور موقع سے فرار ہونے میں کامیاب ہو گئے، جبکہ ذبح ہونیوالے مزدوروں کا تعلق درہ آدم خیل سے ہے، پولیس کی جانب سے واقعے کی تحقیقات شروع کر دی گئی ہے۔
دوسری جانب پاک بحریہ کی جانب سے کامیاب انسداد منشیات آپریشن کے دوران بھارتی ساختہ نشہ آور گولیوں کی بڑی کھیپ ضبط کرلی گئی ہے۔
آئی ایس پی آر کے مطابق آپریشن کے دوران 2000 کلوگرام چرس، 370 کلو آئس اور 50 کلو ہیروئن ضبط کی گئی ہے، انٹرنیشنل مارکیٹ میں برآمد شدہ منشیات کی مالیت 145 ملین امریکی ڈالر ہے۔
پاک فوج کے ترجمان نے یہ بتایا کہ آپریشن میں بھارتی ساختہ نشہ آور ممنوعہ گولیاں بڑی کھیپ (منشیات) کو اینٹی نارکوٹکس فورس کے حوالے کر دیا گیا ہے۔
