اسرائیلی کرنل احسان دقسا فلسطینی مزاحمت کاروں کے ساتھ لڑائی کے دوران ہلاک ہوگئے۔
غزہ، صیہونی فوج کے 401 ویں بکتر بند بریگیڈ کے کمانڈر کرنل احسان دقسا شمالی غزہ کی پٹی میں فلسطینی مزاحمت کاروں کے ساتھ لڑائی کے دوران ہلاک ہوگئے۔
غیر ملکی میڈیا کے مطابق 41 سالہ کرنل دقسا کی ہلاکت ایک بارودی سرنگ کے خوفناک دھماکے میں ہوئی، جب وہ جبالیہ میں اپنے ٹینک سے باہر نکلے اور چند میٹر پیدل چلنے کے بعد نشانہ بنے۔
واقعہ اُس وقت پیش آیا جب وہ فلسطینی مزاحمتی تنظیم ”حماس“ کے خلاف لڑائی کے لیے جنوبی اسرائیل میں موجود تھے، حالانکہ وہ اس وقت ڈیوٹی پر نہیں تھے۔
کرنل دقسا نے جون میں 401 ویں بٹالین کی کمان سنبھالی تھی اور ان کی ہلاکت اسرائیلی فوج کے لیے بہت بڑا نقصان ہے۔
کرنل دقسا کو 2006 کی دوسری لبنان جنگ کے دوران زخمی فوجیوں کی مدد کرنے پر اعزاز سے بھی نوازا گیا تھا۔
کرنل دقسا کی موت کے بعد، اب تک 6 کرنل آئی ڈی ایف کے ہلاک ہونے کی تصدیق ہوچکی ہے، جن میں سے 4، 7 اکتوبر کے حملے کے دوران مارے گئے۔
