207
بانی پی ٹی آئی عمران خان کے وکیل فیصل چوہدری کو اڈیالہ جیل کے باہر سے گرفتار کرلیا گیا۔
ذرائع کا بتانا ہے کہ فیصل چوہدری کو گزشتہ روز جیل افسر عمران ریاض کو گالیاں دینے پر گرفتار کیا گیا۔
اڈيالہ جیل میں داخلے سے روکنے پر فیصل چوہدری کی جیل انظامیہ سے تلخ کلامی، گالیاں بھی دیں۔
اس سے پہلے فیصل چوہدری کی جانب سے اڈیالہ جیل کے باہر گفتگو کرتے ہوئے کہا گیا کہ میرے ساتھ جو کل ہوا وہ اندرونی گیٹ پر ہوا، اس پر آج نوٹس ہوگیا ہے، عدالتی احکامات جیل سپرنٹنڈنٹ کو واٹس ایپ پر بجھوا دیے تھے۔
فیصل چوہدری کا کہنا ہے کہ چھپے ہوئے چلمن سے لگے ہوئے ہیں، جنہوں نے ویڈیو ریلیز کی، میرا قصور یہ ہے کہ میں بانی پی ٹی آئی عمران خان کی گفتگو باہر بیان کرتا ہوں۔
واضح رہے کہ گزشتہ روز اڈيالہ جیل میں داخلے سے روکنے پر بانی پی ٹی آئی عمران خان کے وکیل فیصل چوہدری غصے میں آگئے تھے۔
ان کی جیل انظامیہ سے تلخ کلامی ہوئی اور انہوں نے گالیاں بھی دیں۔
