پشاور،رہنما پی ٹی آئی شیخ وقاص اکرم کا کہنا ہے کہ بانی پی ٹی آئی و سابق وزیراعظم عمران خان کو جیل کے ڈیتھ سیل میں قید تنہائی میں رکھا گیا ہے، عدالتی حکم کے باوجود عمران خان سے ملاقات کی اجازت نہیں دی جارہی۔
پشاور میں پریس کانفرنس کے دوران رہنما پی ٹی آئی شیخ وقاص اکرم نے کہا کہ بانی پی ٹی آئی عمران خان کو ایسے سیل میں رکھا گیا ہے جہاں دہشتگردوں کو رکھا جاتا ہے، عمران خان مضبوط اعصاب کے مالک ہیں وہ اس قسم کے ہتھکنڈوں سے ٹوٹ نہیں سکتے، پی ٹی آئی قیادت کوجھوٹے مقدمات میں جیلوں میں رکھا گیا۔
شیخ وقاص کا کہنا ہے کہ بانی پی ٹی آئی عمران خان سے 6 ماہ میں صرف ایک بار سیاسی ملاقات رکھی گئی ہے، ملاقاتیں عدالتی حکم کے مطابق رکھی جاتی تھیں، فیصلہ ہوا تھا 6 لوگ بانی کو ریگولر ملیں گے، عدالتی آرڈرز کی خلاف ورزی کی گئی، ہم کئی بار عدالت بھی جاچکے ہیں، قیدی کو اپنے وکلا،رفقا اورخاندان کے لوگوں سے ملنے کا حق قانون دیتا ہے، عدالتی احکامات ہوا میں اُڑائے جارہے ہیں۔
شیخ وقاص اکرم کا کہنا تھا کہ ہم قانون کی حدود میں رہتے ہوئے اپنا حق مانگنا چاہتے ہیں، پچھلی بار وکلاء کو بھی 2 کلومیٹر دور روک لیا گیا، ملاقات کیلئے نہیں جانے دیا گیا، وکلا ء اپنے اہم کیسز چھوڑ کر اڈیالہ آتے ہیں ان کو ملنے نہیں دیا جاتا، عدالتی احکامات ہوا میں اُڑائے جارہے ہیں، عدالتوں کو اپنے احکامات کی پاسداری یقینی بنانی چاہیے۔
جسٹس لاہور ہائیکورٹ نے عدالتی اختیار سے متعلق قانونی نقطہ واضح کردیا
رہنما پی ٹی آئی نے کہا کہ ایک سابق وزیراعظم گزرے ہیں ان کو ملاقاتوں کیلئے مرضی کے ہال مہیا تھے، جیل حکام عمران خان کیلئے اخبارات بھی روک لیتے ہیں، بانی پی ٹی آئی سے زوجہ کی ملاقاتیں بھی 2 بار کینسل کی گئیں، عمران خان سے ملاقاتوں پر پابندی پر شدید تشویش ہے، حکومت عمران خان سے ملاقاتوں پر پابندی لگا کر کیا حاصل کرنا چاہتی ہے۔
