116
راولپنڈی، وزیراعلیٰ خیبرپختونخوا علی امین گنڈاپور کو اشتہاری قرار دیے جانے کی کارروائی منسوخی کا تحریری فیصلہ جاری کردیا گیا۔
انسداد دہشت گردی عدالت راولپنڈی کے جج امجد علی شاہ نے فیصلہ جاری کیا۔ انسداد دہشتگردی عدالت کے فیصلے کے مطابق 30 مقدمات میں سیکشن 87 کے تحت وارنٹ گرفتاری اور اشتہاری قرار دیے جانے کی کارروائی کا حکم دیا گیا۔
وزیراعلیٰ علی امین گنڈاپور کے وکیل کی جانب سے پشاور ہائیکورٹ کا حکم نامہ عدالت میں پیش کیا گیا جبکہ عدالت نے تمام کارروائی اور وارنٹ گرفتاری منسوخ کر دیے۔
یاد رہے کہ بانی پی ٹی آئی اور سابق وزیر اعظم عمران خان کی رہائی کے لیے 24 نومبر کو بانی کی اہلیہ بشریٰ بی بی اور وزیراعلیٰ خیبر پختونخوا علی امین گنڈاپور کی سربراہی میں تحریک انصاف کے حامیوں نے پشاور سے وفاقی دارالحکومت اسلام آباد کی جانب مارچ شروع کیا تھا۔
