154
اسلام آباد: وفاقی وزیر اطلاعات و نشریات عطاءاللہ تارڑ نے کہا ہے کہ عالمی رہنما اور مندوبین پاکستان سے مثبت تاثرات لے کر واپس جائیں گے۔
اسلام آباد میں میڈیا سے گفتگو کرتے ہوئے عطاءاللہ تارڑ نے کہا کہ پاکستان نے ایس سی او اجلاس کے لیے بہترین انتظامات کیے ہیں، جس کی وجہ سے عالمی رہنما اور مندوبین خوشگوار یادیں لے کر جائیں گے۔
انہوں نے کہا کہ ایس سی او سربراہ کانفرنس پاکستان کے لیے ایک اعزاز ہے، کیونکہ 27 سال بعد پاکستان میں کوئی بڑا ایونٹ منعقد ہو رہا ہے۔ وزیر اطلاعات نے مزید کہا کہ کسی بھی ملک کے عوام اور اس کے سافٹ امیج میں ثقافت کا کلیدی کردار ہوتا ہے، اور ثقافتی تبادلوں کو فروغ دینا بہت ضروری ہے۔
عطاءاللہ تارڑ نے بتایا کہ وزیراعظم نے سربراہ اجلاس میں علاقائی سلامتی اور موسمیاتی تبدیلی جیسے اہم موضوعات پر بات چیت کی۔ ساتھ ہی، ایس سی او کانفرنس کی سائیڈ لائن پر وزیراعظم کی قزاخستان، ترکمانستان سمیت دیگر ممالک کے سربراہان سے دوطرفہ ملاقاتیں بھی ہوئیں۔
