93
اسپین میں طوفانی بارشوں نے تبادہی مچادی، جسکے نتیجے میں 150 افراد جان کی بازی ہار گئے۔
اسپین میں طوفانی بارشوں کے نتیجے میں آنیوالے سیلاب نے بڑے پیمانے پر تباہی مچا دی، ہلاکتوں کی تعداد 150 ہو گئی۔
غیر ملکی میڈیا کے مطابق مشرقی صوبے والنسیا میں شدید بارشوں کے باعث آنے والے سیلاب سے نظام زندگی مفلوج ہو گیا۔ طوفانی بارشوں اور سیلاب سے انفرا اسٹرکچر کو بھی شدید نقصان پہنچا ہے۔
غیر ملکی میڈیا کے مطابق سیلاب متعدد سڑکوں اور پلوں کو بہا لے گیا، سیلابی ریلوں میں کئی لوگ لاپتہ بھی ہو گئے جن کی تلاش کا کام تاحال جاری ہے۔
بڑے پیمانے پر ہلاکتوں کی وجہ سے اسپین کے وزیر اعظم نے 3 روزہ قومی سوگ کا اعلان کیا ہے، حکومت کی جانب سے مزید ہلاکتوں کا خدشہ بھی ظاہر کیا جارہا ہے۔
غیر ملکی میڈیا کے مطابق اس سے پہلے 1973 میں اسپین میں آنیوالے سیلاب کے باعث درجنوں افراد ہلاک ہوئے تھے۔
