34
شیخوپورہ، شرقپور میں پولیس نے کارروائی کرتے ہوئے اغوا ہونے والی ماں اور اس کی دو بیٹیوں کو لاہور سے بحفاظت بازیاب کرا لیا۔
ڈی پی او بلال ظفر کے مطابق شرقپور کے علاقے مہتمم شریف میں ملزم طارق نے خاتون ثناء اور اس کی بیٹیوں کو ان کے گھر سے اغوا کیا تھا، اطلاع ملتے ہی پولیس نے فوری کارروائی کرتے ہوئے مغوی خواتین کو لاہور سے بازیاب کرایا اور ملزم طارق کو گرفتار کر لیا۔
ادھر مغوی خاتون ثناء نے الزام لگایا کہ ملزم طارق اسے زبردستی زیادتی کا نشانہ بناتا رہا۔ ڈی پی او بلال ظفر شیخ کا کہنا تھا کہ تحقیقات کے دوران انصاف کے تمام تقاضے پورے کیے جائیں گے۔
دوسری جانب منڈی عثمان والہ کے علاقے تتارا کامل میں ممانی کو ساتھ لے جانے والا بھانجا اپنے ماموں کے ہاتھوں مارا گیا۔
پولیس کے مطابق 30 سالہ مقصود احمد، جو حجرہ شاہ مقیم سے اپنی ممانی شکیلہ بی بی کو ساتھ لے گیا تھا، اپنے ماموں امانت علی کے ہاتھوں قتل ہوگیا۔
