بنگلا دیشی کرکٹر شکیب الحسن کی جانب سے وطن واپسی پر یو ٹرن لے لیا گیا ہے۔
سابق کپتان نے سکیورٹی خدشات کی وجہ سے بنگلا دیش نہ جانے کا فیصلہ کیا ہے، کیونکہ ڈھاکا میں شیر بنگلا اسٹیڈیم کے باہر گزشتہ روز شکیب کے خلاف مظاہرہ ہوا تھا، مظاہرین کے وقت اسٹیڈیم میں جنوبی افریقا اور بنگلا دیش کی ٹیمیں پریکٹس کر رہی تھیں۔
شکیب الحسن کا اس متعلق یہ کہنا تھا کہ میں نے واپس بنگلا دیش جانا تھا مگر اب ایسا لگتا ہے کہ میں نہیں جا سکوں گا، سکیورٹی وجوہات کے باعث ایسا فیصلہ کیا اور یہ میری ذاتی سکیورٹی کا مسئلہ ہے، مجھے یہ لگ رہا ہے کہ وطن واپس نہ جانے کا میرا یہ فیصلہ حتمی ہے۔
سابق بنگلہ دیشی کرکٹر نے جنوبی افریقا کے خلاف ٹیسٹ سیریز میں شرکت کرنا تھی، ان کا جنوبی افریقا کے خلاف پہلے ٹیسٹ کے لیے اسکواڈ میں نام بھی شامل ہے۔
بنگلہ دیشی کرکٹر شکیب الحسن نے کیرئیر کا آخری ٹیسٹ میچ ہوم گراؤنڈ پر کھیلنے کی خواہش کا اظہار کیا تھا۔
یاد رہے کہ جنوبی افریقا اور بنگلا دیش کے درمیان پہلا ٹیسٹ 21 اکتوبر سے میرپور میں شروع ہوگا۔
