شو میں میزبان نے حرا مانی کو ہپناٹائز کر دیا، اداکارہ سہم گئیں

ممتاز اداکارہ حرا مانی کو شو میں میزبان کی جانب سے ہپناٹائز کرکے اپنے قابو میں کرلیا گیا، جس سے خوبرو اداکارہ خوفزدہ ہوگئیں۔

ایک ٹی وی شو کے دوران میزبان کی جانب سے اداکارہ کو ایک گڑیا کی مدد سے ہپناٹائز کر کے ان پر پورا کنٹرول حاصل کرلیا گیا جس پر حرا مانی بھی حیران رہ گئیں اور نہ چاہتے ہوئے بھی جیسا میزبان گڑیا کیساتھ کرتا ہے وہ بھی وہی کرتی دکھائی دیتی ہیں۔

یہ بھی پڑھیں

سوشل میڈیا پر وائرل ہونیوالے اس شو کے کلپ میں انکی آنکھوں پر کالی پٹی باندھی جاتی ہے، ہپناٹائز کی کیفیت سے باہر آنے کے بعد خوبرو اداکارہ ڈری اور سہمی ہوئی نظر آتی ہیں۔

اس ویڈیو پر صارفین نے کہا کہ وہ صرف اداکاری کررہی ہیں جبکہ کچھ صارفین اسے حقیقت مانتے ہوئے افسوس کا اظہار کر رہے ہیں۔

دوسری جانب شوبز انڈسٹری کی معروف اداکارہ علیزے شاہ نے بولڈ ویڈیوز پر تنقید کرنے والے صارفین کو کرارا جواب دے دیا۔

پاکستانی اداکارہ علیزے شاہ نے حالیہ تنازع کے بعد اپنی تنقید کا نشانہ بننے والی تصاویر پر صارفین کو کھری کھری سنا دیں۔

علیزے شاہ نے اپنے انسٹاگرام پر کمنٹس بند کر کے مختلف اسٹوریز میں صارفین کو جواب دیتے ہوئے کہا کہ لوگوں کی بے جا تنقید نے انہیں شدید متاثر کیا، مگر وہ اب خاموش نہیں رہیں گی۔