بھارتی ریاست اترپردیش میں شوہر کی زندگی کے لیے ورت رکھنے والی بیوی نے شوہر کو موت کے گھاٹ اتار دیا۔
غیر ملکی میڈیا کے مطابق بھارت سمیت دنیا بھر میں موجود ہندو مذہب کے پیروکاروں کی جانب سے کروا چوتھ کا تہوار منایا گیا، جس میں شادی شدہ خواتین اپنے شوہروں کی لمبی زندگی کیلئے ورت (ایک دن کا روزہ) رکھتی ہیں۔
اتوار کو اتر پردیش کے کو شامبی ضلع میں ایک خاتون نے مبینہ طور پر اپنے شوہر کو زہر دے کر مار ڈالا، افسوناک واقعہ اس وقت پیش آیا جب مذکورہ خاتون کی جانب سے شوہر کے لیے رکھا جانے والا ورت مکمل کیا گیا۔
پولیس حکام کا کہنا ہے کہ سویتا نامی خاتون کی جانب سے اپنے شوہر 32 سالہ شیلیش کو شک کی بنیاد پر زہر دیا گیا، سویتا کو شک تھا کہ شیلیش کے کسی دوسری عورت کے ساتھ تعلقات ہیں۔
جوڑے میں ورت کھولنے کے دوران ایک بحث شروع ہوگئی، شیلیش کے بھائی نے پولیس کو دیے گئے بیان میں یہ الزام عائد کیا کہ اس کی بھابھی کی جانب سے بھائی کے کھانے میں زہر ملا کر اسے مارا گیا ہے۔
اسکے بعد جب اسے اسپتال لے جایا گیا تو وہ علاج کے دوران دم توڑ گیا۔
پولیس کی جانب سے سویتا کو گرفتار کرکے تحقیقات کا آغاز کردیا گیا، جب کہ ملزمہ کے خلاف مزید کارروائی کی جارہی ہے۔
