لاہور، پاکستان شوبز انڈسٹری کی ممتاز اداکارہ اریبہ حبیب کا کہنا ہے کہ شوہر میرے بچپن کے دوست ہیں، شادی کا فیصلہ ہم نے بعد میں کیا۔
حال ہی میں اداکارہ اریبہ حبیب نجی ٹی وی کے پروگرام میں بطور مہمان شریک ہوئیں جہاں اریبہ حبیب کی جانب سے نجی زندگی اور کیریئر سمیت مختلف موضوعات پر کھل کر اظہار خیال کیا گیا۔
پروگرام کے دوران کیریئر کے حوالے سے بات کرتے ہوئے اریبہ حبیب نے بتایا کہ میں نے زمانہ طالب علمی سے ماڈلنگ کا آغاز کیا، جب میں سکول میں پڑھتی تھی تب ماڈلنگ کے لیے آڈیشن دیا اور میں سلیکٹ ہوگئی۔
سکول میں پڑھنے کی وجہ سے والدہ نے مخالفت کی لیکن والد نے ماڈلنگ کرنے کی اجازت دی اور یوں میرے کیریئر کا آغاز ہوا۔
خوبرو اداکارہ کا کہنا تھا کہ دوسری ماڈلز اور اداکاراؤں کی طرح مجھے بھی تنقید کا نشانہ بنایا جاتا رہا ہے، لوگوں نے مجھے لباس پر مسلمان ہونے کے طعنے تک دیئے، ہندو برادری سے یکجہتی منانے پر بھی مجھے تنقید کا نشانہ بنایا گیا۔
دوسری جانب بھارتی ریاست پنجاب کے سابق وزیر اور کرکٹر نووجوت سنگھ سدھو نے تقریباً پانچ سال بعد کپل شرما شو میں واپسی کی خواہش ظاہر کرتے ہوئے ایک منفرد شرط رکھ دی ہے۔
