44
اسلام آباد، شوال کا چاند دیکھنے کے لیے مرکزی رویت ہلال کمیٹی اور زونل کمیٹیوں کے اجلاس 30 مارچ (بروز اتوار) کو منعقد ہوں گے۔
سرکاری خبر رساں ادارے کے مطابق مرکزی رویت ہلال کمیٹی کا اجلاس وزارت مذہبی امور اور بین المذاہب ہم آہنگی کے دفتر میں ہوگا، جہاں چاند نظر آنے یا نہ آنے کی رپورٹس وصول کی جائیں گی۔
اجلاس میں مذہبی علما، موسمیات کے ماہرین اور دیگر متعلقہ افراد شریک ہوں گے، اور چاند نظر آنے کی تصدیق یا عدم تصدیق کے بعد ملک میں عید الفطر کی تاریخ کا اعلان کیا جائے گا۔
یاد رہے کہ رمضان المبارک کے چاند کی رویت کے لیے مرکزی رویت ہلال کمیٹی کا اجلاس 28 فروری کو پشاور میں منعقد ہوا تھا۔
واضح رہے کہ محکمہ موسمیات نے امکان ظاہر کیا ہے کہ عید الفطر 31 مارچ کو ہوگی۔
