دمشق، روسی صدر بشارالاسد کی فوج کے خلاف لڑنے والے شامی باغیوں نے حمص اور دارہ شہر پر قبضہ کر لیا ہے۔
غیر ملکی میڈیا کا بتانا ہے کہ شام میں باغیوں کی دارالحکومت دمشق کی جانب پیش قدمی جاری ہے اور باغی بشار الاسد کی فوج کو مسلسل پیچھے ہٹنے پر مجبور کر رہے ہیں۔
غیر ملکی میڈیا کا بتانا ہے کہ باغی گروہ حیات التحریر الشام کے جنگجو وسطی شہر حمص پر بھی قابض ہوچکے ہیں اور شامی فوج شہر چھوڑ کر جاچکی ہے۔
غیر ملکی میڈیا کے مطابق باغی جنگجو اب 2011 کے عرب بہار تحریک کے مرکز دارہ صوبے میں بھی داخل ہو چکے ہیں۔
باغیوں کے ذرائع کا بتانا ہے کہ فوج کی جانب سے ڈیل کے تحت پیچھے ہٹنے کا فیصلہ کیا گیا ہے اور انہیں دار الحکومت دمشق تک محفوظ راستہ دیا گیا۔
رپورٹ کے مطابق ایک طرف باغیوں کی دمشق کی جانب پیش قدمی جاری ہے تو دوسری طرف ہزاروں لوگ نئی خانہ جنگی کی وجہ سے اپنے علاقوں کو چھوڑنے پر مجبور ہیں۔
دوسری جانب امریکی میڈیا کی جانب سے دعویٰ کیا گیا ہے کہ سینئر ایرانی قدس فورس کے جنرلز نے شامی علاقوں سے انخلا شروع کردیا ہے جبکہ روسی فوج نے بھی طرطوس پورٹ سے انخلاء کا آغاز کردیا ہے۔
