شادی کا کھانا ایک ایسی چیز ہوتی ہے جو برسوں تک یاد رہ جاتی ہے اسی لیے کئی افراد اپنی جمع پونجی کھانے پر لگا دیتے ہیں تاکہ مہمان خوش ہوکر جائیں۔
شادی کی تقریبات میں کھانا ایک خاص مقام رکھتا ہے، اور بعض اوقات لوگ مہمانوں کو خوش کرنے کے لیے انوکھی اور منفرد ڈشز پیش کرتے ہیں۔ حال ہی میں بھارت میں ایک ایسی انوکھی ڈش رکھی گئی جس نے سب کو حیرت میں ڈال دیا۔
سوشل میڈیا پر وائرل ہونے والی ایک ویڈیو میں دکھایا گیا ہے کہ خواتین کھانے کے پاس کھڑی ہیں اور ایک نیا اور عجیب سا حلوہ دیکھ کر حیران ہو رہی ہیں۔ یہ ڈش ہری مرچوں کا حلوہ ہے، جس کے بارے میں خواتین استفسار کر رہی ہیں کہ کیا یہ واقعی حلوہ ہے؟ ویڈیو بنانے والی خاتون بھی کہہ رہی ہیں کہ وہ یہاں موجود تمام میٹھے کھانوں کو جانتی ہیں، مگر ہری مرچوں کا حلوہ پہلی بار دیکھ رہی ہیں۔
کمنٹس سیکشن میں صارفین نے مختلف تبصرے کیے ہیں۔ ایک صارف نے کہا کہ اگر ہری مرچیں ہی کھانی ہیں تو حلوے کے بجائے ان کے پکوڑے رکھے جا سکتے تھے، جبکہ دوسرے صارف نے بتایا کہ اس نے یہ حلوہ 2020 میں کھایا تھا اور وہ بے مثال تھا۔
یہ انوکھی ڈش نہ صرف لوگوں کی توجہ کا مرکز بنی بلکہ اس نے شادیوں میں کھانے کی نئی نوعیت کو بھی اجاگر کیا۔
