113
راولپنڈی کے علاقے روات میں پولیس نے ایک شادی شدہ خاتون سے زیادتی کرنے والے ملزم کو گرفتار کر لیا ہے۔
متاثرہ خاتون نے اپنی ایف آئی آر میں بتایا کہ وہ اپنی کزن کی نوکری کے سلسلے میں اس کے ساتھ گئی تھی، جہاں ملزم طلاء خان نے اسے زیادتی کا نشانہ بنایا۔ ملزم اور متاثرہ خاتون کے درمیان فیملی تعلقات بھی ہیں۔
پولیس نے متاثرہ خاتون کی درخواست پر مقدمہ درج کیا اور ملزم طلاء خان کو گرفتار کر لیا۔ متاثرہ خاتون کا میڈیکل پراسیس جاری ہے۔
ایس پی صدر محمد نبیل کھوکھر نے کہا ہے کہ گرفتار ملزم کو ٹھوس شواہد کے ساتھ عدالت میں پیش کیا جائے گا۔
انہوں نے کہا کہ خواتین اور بچوں سے زیادتی یا تشدد ناقابل برداشت ہیں، اور ملوث ملزمان قانون کی گرفت سے نہیں بچ سکتے۔
