راولپنڈی، پاک فوج کے شعبہ تعلقات عامہ کے مطابق سکیورٹی فورسزی کی جانب سے پاک افغان بارڈر پر خوارج کی دراندازی کی ایک اور کوشش کو ناکام بنا دیا گیا۔
آئی ایس پی آر کا بتانا ہے کہ ضلع ژوب کے علاقہ سمبازا میں خوارج کی دراندازی کی کوشش کے دوران سکیورٹی فورسز کی موثر کارروائی میں 6 خوارج جہنم واصل ہوگئے۔
آئی ایس پی آر کا بتانا ہے کہ مارے گئے خوارج سے بڑی مقدار میں اسلحہ اور گولہ بارود بھی برآمد ہوا۔
آئی ایس پی آر کے مطابق پاکستان افغان عبوری حکومت سے بارہا کہتا آرہا ہے کہ اپنی جانب بارڈر مینجمنٹ موثر بنائے، توقع ہے افغان عبوری حکومت اپنی ذمہ داری پوری کرے گی۔
پاک فوج کے شعبہ تعلقات عامہ کا بتانا ہے کہ امید ہے افغان حکومت اپنی سرزمین پاکستان کیخلاف دہشت گردی کیلئے استعمال کرنے کی اجازت نہیں دے گی۔
آئی ایس پی آر کے مطابق سکیورٹی فورسز سرحدوں کے تحفظ اور ملک سے دہشت گردی کے خاتمے کیلئے پُرعزم ہیں۔
دوسری جانب وفاقی وزیر رانا تنویر کی جانب سے پیکا ایکٹ ترمیمی بل 2025 قومی اسمبلی میں منظوری کے لیے پیش کیا گیا، جسے ایوان زیریں نے کثرت رائے سے منظور کر لیا۔
