32
وزیرستان، سکیورٹی صورتحال کے پیش نظر جنوبی اور شمالی وزیرستان اپر میں کرفیو نافذ کر دیا گیا۔
نجی ٹی وی چینل کے مطابق ضلعی انتظامیہ نے اس حوالے سے باضابطہ نوٹیفکیشن جاری کر دیا ہے۔
جنوبی وزیرستان اپر کے ڈپٹی کمشنر سلیم جان کے مطابق بدھ کے روز ایک دن کے لیے علاقے میں کرفیو نافذ رہے گا، جس کے دوران آسمان منزہ سے لدھا اور مکین تک، جبکہ نواز کوٹ سے رزمک تک تمام سڑکیں ہر قسم کی ٹریفک کے لیے بند رہیں گی۔
دوسری جانب شمالی وزیرستان کے رزمک سب ڈویژن میں بھی صبح 6 بجے سے شام 6 بجے تک کرفیو لگا دیا گیا ہے۔
ڈپٹی کمشنر کے مطابق نواز کوٹ پل سے ڈنکن تحصیل رزمک تک کرفیو رہے گا، جبکہ ڈنکن سے میلوگئی پل تحصیل دوسلی تک مکمل پابندی عائد کی گئی ہے، مسافروں کو ہدایت کی گئی ہے کہ وہ متبادل راستوں کا استعمال کریں۔
