135
سولر پینلز کی قیمتوں میں کمی کے ایک طویل عرصے کے بعد مارکیٹ کے درآمدی حجم میں کمی کی وجہ سے قیمتیں یا تو مستحکم ہو سکتی ہیں یا آنیوالے مہینوں میں بڑھ سکتی ہیں۔
غیر ملکی میڈیا کے مطابق گزشتہ چند مہینوں میں سولر ماڈیول کی قیمتوں میں کمی کے باعث درآمدات میں اضافہ ہوا ہے کیونکہ خریدار قابل تجدید توانائی کی طرف مطمئن ہوگیا۔
ستمبر 2024 میں پاکستان کی سولر پینلز کی درآمدات میں 63 فیصد کمی دیکھنے میں آئی ہے، درآمدات میں شاندار کمی کی سب سے بڑی وجہ شپمنٹ میں تاخیر اور دیگر لاجسٹک مسائل ہیں۔
اگرچہ فوری طور پر قیمتوں میں اضافے کی امید نہیں، سپلائی چین کے مسائل انوینٹری کی سطح کے سکڑنے کیساتھ ہی قیمتوں میں اضافے کے امکانات بھی ہیں۔
واضح رہے کہ اس سال کے شروع میں سولر پینل کی قیمتوں میں ڈرامائی کمی کی وجہ سے گھریلو، تجارتی اور صنعتی صارفین کی درآمدات میں اضافہ ہوا، درآمدات میں کمی کے ساتھ ہی مارکیٹ ذرائع کی جانب سے خبردار کیا گیا کہ موجودہ سپلائی صرف اگلے چند مہینوں کے لیے کافی ہو سکتی ہے۔
