108
وفاقی حکومت نے عارضی نوعیت کی تمام آسامیوں کو فوری طور پر ختم کردیا۔
اسلام آباد: وفاقی حکومت نے ملک بھر میں سرکاری محکموں میں عارضی نوعیت کی تمام آسامیوں کو فوری طور پر ختم کرنے کا فیصلہ کرلیا ہے۔ فنانس ڈویژن کے مطابق، 3 ستمبر کو کابینہ ڈویژن کی جانب سے جاری ہونے والے سرکلر میں یہ ہدایت دی گئی تھی کہ تمام وزارتوں اور ڈویژنوں میں ایسی تمام عارضی آسامیوں کو ختم کیا جائے جو مستقل بنیادوں پر قائم نہیں کی گئیں۔
اب فنانس ڈویژن نے تمام وزارتوں، ڈویژنوں اور ان کے تحت آنے والے محکموں سے مطالبہ کیا ہے کہ وہ 27 اگست 2024 کو کابینہ کے فیصلے پر مکمل عملدرآمد کو یقینی بنائیں۔
ان عارضی آسامیوں میں چوکیدار، مالی، سکیورٹی گارڈز، نائب قاصد اور دیگر عملے کی آسامیوں کا شمار ہوتا ہے، جن پر اکثر سرکاری ادارے محدود مدت کے لیے بھرتیاں کرتے ہیں۔
