49
کوئٹہ: جعفر ایکسپریس آپریشن میں مارے جانے والے دہشت گردوں کی لاشوں کی تصاویر منظر عام پر آ گئیں۔
ذرائع کے مطابق سیکیورٹی فورسز نے کلیئرنس آپریشن کے دوران تمام دہشت گردوں کو ہلاک کیا۔
جعفر ایکسپریس آپریشن میں فورسز نے 33 دہشت گردوں کو ہلاک کرتے ہوئے مسافروں کو بحفاظت بازیاب کرایا۔
ذرائع کا کہنا ہے کہ دہشت گردوں کے قبضے سے بھاری مقدار میں جدید غیر ملکی اسلحہ بھی برآمد کیا گیا۔
جاری کی گئی تصاویر میں دیکھا جا سکتا ہے کہ مارے جانے والے دہشت گرد جدید اسلحے سے لیس تھے۔
مزید اطلاعات کے مطابق یہ وہی دہشت گرد تھے جو نہتے اور بے گناہ مسافروں کو یرغمال بنا کر انسانی ڈھال کے طور پر استعمال کرنا چاہتے تھے۔
سیکیورٹی فورسز دہشت گردی کے خاتمے اور ملک کو محفوظ بنانے کے لیے اپنی جدوجہد جاری رکھنے کے لیے پُرعزم ہیں۔
