راکھی ساونت نے بھارتی وزیر اعظم نریندر مودی کو پاکستان جانے کی دھمکی دے دی۔
ممبئی، بھارتی اداکارہ راکھی ساونت نے بھارتی وزیر اعظم نریندر مودی کو پاکستان جانے کی دھمکی دے دی۔
اپنے بیانات کے باعث خبروں میں رہنے والی بھارت کی متنازع اداکارہ راکھی ساونت کی جانب سے بھارتی وزیر اعظم کو پاکستان جانے کی دھمکی دینے کی مختصر ویڈیو سوشل میڈیا پر وائرل ہوئی ہے، جس میں اداکارہ نے نریندر مودی کو مخاطب کرتے ہوئے کہا کہ وہ ان کی پالیسیوں کے باعث پاکستان جا رہی ہیں۔
راکھی ساونت نے نریندر مودی کو دھمکی دیتے ہوئے کہا کہ مودی جی، فٹا فٹ انڈیا میں ٹک ٹاک سٹارٹ کرو ورنہ میں پاکستان چلی جاؤں گی۔ اداکارہ نے کہا کہ ٹک ٹاک سے پوری دنیا کے لوگ پیسے کما رہے ہیں لیکن اس پر بھارت میں پابندی ہے۔
راکھی ساونت نے کہا کہ وہ پاکستان جا کر وہاں بس جائیں گی اور کسی پاکستانی مرد سے شادی کر لیں گی، وہ پاکستان جا کر حلوہ پوڑی کھائیں گی، زندگی گزاریں گی، وہاں بس جائیں گی۔
علاوہ ازیں بھارتی اداکارہ کی ایک اور مختصر ویڈیو بھی سوشل میڈیا پر وائرل ہوگئی، جس میں وہ اپنا بھارتی پاسپورٹ دکھاتے ہوئے بتاتی ہیں کہ وہ پاکستان جا رہی ہیں۔
نریندر مودی کو دی گئی دھمکی کی ویڈیو وائرل ہوگئی اور سوشل میڈیا صارفین نے ان کی ویڈیو پر دلچسپ تبصرے بھی کیے ہیں۔
