41
اسلام آباد، وزیراعظم محمد شہباز شریف نے ضلع خیبر میں خوارج کے خلاف کامیاب انٹیلی جنس بیسڈ آپریشن پر سیکیورٹی فورسز کے افسران اور جوانوں کی حوصلہ افزائی کی۔
وزیراعظم شہباز شریف نے آپریشن کے دوران تین دہشت گردوں کو انجام تک پہنچانے پر سیکیورٹی فورسز کی پیشہ ورانہ مہارت کو سراہا۔ ان کا کہنا تھا کہ ملک سے دہشت گردی کے ناسور کے مکمل خاتمے تک جنگ جاری رہے گی۔
انہوں نے کہا کہ اس جدوجہد میں پوری قوم پاک فوج کے ساتھ یکجہتی کے ساتھ کھڑی ہے۔
دوسری جانب وفاقی وزیر داخلہ محسن نقوی نے ضلع خیبر میں کامیاب انٹیلی جنس بیسڈ آپریشن پر سیکیورٹی فورسز کی کارکردگی کو سراہا۔
محسن نقوی کا کہنا تھا کہ3 دہشت گردوں کو ہلاک کرنے پر سیکیورٹی فورسز کو خراج تحسین پیش کرتے ہیں، جنہوں نے بروقت کارروائی کرتے ہوئے دشمن کے ناپاک عزائم کو ناکام بنایا۔
