دولت نگر میں خاتون کے ساتھ مبینہ زیادتی، مقدمہ درج

دولت نگر: گاؤں ڈوگہ میں ایک افسوسناک واقعہ پیش آیا، جہاں شاہ کوٹ ننکانہ صاحب کی رہائشی خاتون کوثر بی بی کو مبینہ طور پر اس کے شوہر کے سامنے گن پوائنٹ پر زیادتی کا نشانہ بنایا گیا۔

متاثرہ خاتون، جو اپنے شوہر اور بچوں کے ساتھ دولت نگر میں رہائش پذیر ہے اور گھروں میں کام کرتی ہے، کو مسلح ملزمان حسن پرویز، دانیال بٹ، اور ابرار نعیم نے مبینہ طور پر رات کے وقت گن پوائنٹ پر اغوا کیا۔ متاثرہ کے شوہر کو بھی زبردستی ساتھ لے جایا گیا اور ملزمان نے اسے تشدد کا نشانہ بنایا۔ اس کے بعد حسن پرویز اور دانیال بٹ نے خاتون کے ساتھ مبینہ طور پر زیادتی کی، جبکہ ملزم ابرار نعیم نے بھی زیادتی کی کوشش کی۔

واقعے کی اطلاع ملنے پر تھانہ دولت نگر پولیس نے مقدمہ درج کر کے تحقیقات کا آغاز کر دیا ہے۔ پولیس کا کہنا ہے کہ جلد از جلد ملزمان کو گرفتار کر کے سخت قانونی کارروائی کی جائے گی۔ متاثرہ خاندان نے حکومت اور اعلیٰ حکام سے انصاف کا مطالبہ کیا ہے۔