خیبر پختونخوا میں دہشت گردی کے خاتمے کے لیے سیکیورٹی فورسز کا کردار قابل تحسین ہے، محسن نقوی

اسلام آباد، وفاقی وزیر داخلہ محسن نقوی نے ضلع خیبر میں کامیاب انٹیلی جنس بیسڈ آپریشن پر سیکیورٹی فورسز کی کارکردگی کو سراہا۔

محسن نقوی کا کہنا تھا کہ تین دہشت گردوں کو ہلاک کرنے پر سیکیورٹی فورسز کو خراج تحسین پیش کرتے ہیں، جنہوں نے بروقت کارروائی کرتے ہوئے دشمن کے ناپاک عزائم کو ناکام بنایا۔

یہ بھی پڑھیں

وفاقی وزیر داخلہ نے کہا کہ خیبر پختونخوا میں دہشت گردی کے خاتمے کے لیے سیکیورٹی فورسز کے اقدامات قابل تعریف ہیں، اور دہشت گردوں کے مکمل خاتمے تک آپریشنز جاری رہیں گے۔

دوسری جانب گورنر سندھ کامران خان ٹیسوری نے کہا ہے کہ ملک میں دہشت گردی کے واقعات پیش آ رہے ہیں۔

میڈیا سے گفتگو کرتے ہوئے کامران ٹیسوری کا کہنا تھا کہ پاکستان کو غیر مستحکم کرنے کی کئی کوششیں ہو چکی ہیں، مگر دشمن کو ہر بار ناکامی کا سامنا کرنا پڑے گا، انہوں نے مزید کہا کہ سوشل میڈیا کے ذریعے پاکستان کو کمزور کرنے کی سازشیں جاری ہیں۔

شیئر کریں: