59
خیبرپختونخوا حکومت کی جانب سے پولیس طرز پر ریگولیٹری فورس بنانے کا فیصلہ کرلیا گیا۔
نئی فورس کے قیام کے لیے ریگولیٹری فورس بل اسمبلی میں پیش کیا گیا، جس میں کہا گیا کہ فورس ریگولیٹری قوانین پر عمل درآمد کو یقینی بنانے کیلئے تیارکی جائے گی۔
مسودے کے مطابق ریگولیٹری فورس کیلئے الگ پولیس اسٹیشن اور علیحدہ وردی ہوگی اور فورس ماحولیاتی تحفظ، قیمتوں پر کنٹرول اور 19 قوانین کی خلاف ورزیوں پر نظر رکھے گی۔
مسودے میں یہ بتایا گیا کہ ریگولیٹری فورس کنال اینڈ ڈرینج ایکٹ، الیکٹرک سٹی ایکٹ کی خلاف ورزی کرنیوالوں کے خلاف کارروائی کرے گی۔
تجاوزات، فوڈ سیفٹی اور فرٹیلائزر کنٹرول ایکٹ کی خلاف ورزی روکنا بھی ریگولیٹری فورس کے ذمے ہوگی۔
مسودے کے مطابق ریگولیٹری فورس کا ہیڈ آفس پشاور میں ہوگا اور ہر ضلع میں الگ الگ ریگولیٹری فورس ہوگی، ریگولیٹری فورس کیلئے نئی بھرتیاں یا پولیس فورس اور لیویز اہلکاروں کو شامل کیا جائے گا۔
