پشاور، خیبرپختونخوا اسمبلی کے اسپیکر بابر سلیم سواتی نے پاکستان تحریک انصاف کی احتساب کمیٹی کے سامنے کرپشن الزامات پر تحریری جواب جمع کرا دیا ہے۔
ذرائع کے مطابق اگر الزامات درست ثابت ہوئے تو پارٹی کی جانب سے اسپیکر کو عہدہ چھوڑنے کی ہدایت دی جائے گی، اور انکار کی صورت میں ان کے خلاف تحریک عدم اعتماد لائی جاسکتی ہے۔
مزید بتایا گیا ہے کہ اگر اسپیکر الزامات سے بری ہو جاتے ہیں تو ان کی اور سینیٹر اعظم سواتی کے درمیان صلح کی ذمہ داری وزیراعلیٰ کو سونپی گئی ہے۔
ذرائع نے بتایا کہ اگر بے ضابطگیاں ثابت ہوئیں تو اسپیکر کو اصلاح احوال اور فیصلوں کو واپس لینے کا موقع دیا جائے گا، اسپیکر بابر سلیم سواتی پر بھرتیوں اور ترقیوں میں بے قاعدگیوں کے الزامات لگائے گئے ہیں۔
دوسری جانب پنجاب میں نئے کار واش اسٹیشنز کے قیام پر پابندی عائد کر دی گئی ہے، محکمہ ماحولیات نے اس حوالے سے باضابطہ نوٹیفکیشن جاری کر دیا۔
نوٹیفکیشن کے مطابق، صوبے میں پانی کی کمی اور ممکنہ خشک سالی کے پیش نظر یہ اقدام اٹھایا گیا ہے۔ حکام کے مطابق ایک گاڑی دھونے کے دوران تقریباً 400 لیٹر پانی ضائع ہو جاتا ہے، جو موجودہ حالات میں تشویشناک ہے۔
