87
کراچی، وزیر صحت سندھ ڈاکٹر عذرا پیچوہو نے کہا کہ خناق ایک موذی بیماری ہے جس کی ویکسین موجود ہے۔
ایکسپو سینٹر کراچی میں میڈیا سے گفتگو کے دوران ڈاکٹر عذرا پیچوہو کا کہنا تھا کہ ہیلتھ ایشیا ایکسپو کا انعقاد خوش آئند ہے، بیرون ممالک سے لوگ نمائش میں شرکت کر رہے ہیں، ہیلتھ ٹورازم کو پاکستان میں لانا خوش آئند ثابت ہوگا۔
سندھ میں خناق کے کیسز سے متعلق بات کرتے ہوئے وزیر صحت سندھ کا کہنا تھا کہ خناق موذی بیماری ہے اور ہمیشہ یہ بیماری آتی ہے۔
ڈاکٹر عذرا پیچوہو نے کہا کہ سندھ میں رواں سال خناق کے 160 مقدمات اور 28 اموات ہوئی ہیں، ویکسی نیشن کی کوریج بہتر بنانے کی ضرورت ہے جب کہ خناق کی ویکسین موجود ہے۔
وزیر صحت سندھ کا کہنا تھا کہ چکن گونیا کی ٹیسٹنگ خاصی مشکل ہے اس کی کٹس بھی مہنگی ہیں، اسپرے مہم کیلئے محکمہ صحت کی کے ایم سی سے بات ہوئی ہے۔
