پشاور، مشیر اطلاعات خیبر پختونخوا بیرسٹر ڈاکٹر سیف کا کہنا ہے کہ حکومت کی بنیادیں کھوکھلی ہو چکی ہیں، اب صرف ایک دھکا درکار ہے۔
اپنے بیان میں بیرسٹر سیف نے کہا کہ پی ٹی آئی کارکنوں کی پکڑ دھکڑ قابل مذمت ہے، عوام نے دفعہ 804 نافذ کی ہے، آج حکمرانوں سے نجات کے عہد کی تجدید کا دن ہے، آج کے دن جمہوریت پر شب خون مار کر فارم 47 کے ذریعے حکومت قائم کی گئی۔
بیرسٹر سیف نے کہا کہ صوابی میں اس نظام کے خلاف عوام کا سمندر امڈ آیا ہے، صوبے بھر سے کارکنان صوابی میں جمع ہو رہے ہیں، جلسے کیلئے تمام تیاریاں مکمل کر لی گئیں ہیں، علی امین گنڈاپور سمیت مرکزی قیادت جلسے میں شرکت کرے گی۔
رہنما پی ٹی آئی نے کہا کہ حکمرانوں کے احتساب کا وقت قریب آ چکا ہے، اس حکومت کی بنیادیں کھوکھلی ہو چکی ہیں، اب صرف ایک دھکا درکار ہے، جعلی نظام کے خاتمے کے بعد حکمرانوں کا سخت احتساب کیا جائے گا۔
دوسری جانب پاکستان تحریک انصاف کی جانب سے 8 فروری 2025 کو ہونے والے عام انتخابات کا 1 سال مکمل ہونے پر آج یوم سیاہ منایا جا رہا ہے جس کے تحت پورے پاکستان میں احتجاجی مظاہرے کیے جا رہے ہیں۔
