161
وفاقی وزیر مذہبی امور چوہدری سالک حسین نے کہا ہے کہ گزشتہ سال فریضہ حج ادا کرنے والے عازمین کے 40 ہزار روپے واپس کیے جائیں گے۔
اسلام آباد: وفاقی حکومت نے گزشتہ سال حج ادا کرنے والے عازمین کے لیے خوشخبری کا اعلان کیا ہے۔ وفاقی وزیر مذہبی امور چودھری سالک نے نجی ٹی وی سے گفتگو کرتے ہوئے بتایا کہ ہر حاجی کو کیٹیگری کے مطابق تقریباً 40 ہزار روپے تک کی رقم واپس کی جائے گی۔
چودھری سالک نے کہا کہ اس سال حج کے دوران عازمین کو مزید سہولیات فراہم کی جائیں گی، جن میں منیٰ میں روم کولر کے بجائے ایئر کنڈیشنڈ اور کپڑوں کے خیموں کے بجائے جپسم کے خیمے شامل ہیں۔ اس کے علاوہ عازمین کو تین وقت کا کھانا بھی فراہم کیا جائے گا، جبکہ "روڈ ٹو مکہ” منصوبہ عازمین کے سفر کو مزید آسان بنائے گا۔
یہ اعلان حاجیوں کے لیے نہ صرف مالی ریلیف کا سبب بنے گا بلکہ حج کے دوران بہتر سہولتوں کے وعدے سے عازمین کا تجربہ مزید خوشگوار ہونے کی امید ہے۔
